LAOAG CITY – Nakaawat ti Bureau of Immigration (BI) ti impormasion mainaig ti maipagarup a plano a panagtalaw iti pagilian ni dati a House Speaker ken agdama a Leyte Party-list Representative Martin Romualdez.
Segun ken ni Bureau of Immigration (BI) spokesperson Dana Sandoval, impakaammo iti ahensia ti plano a panagbiahe ti agpampanday linteg a saan met a nagtuloy.
Kuna pay ti Bureau of Immigration (BI) official nga ammo ti kampo ni Romualdez ti agdama a derogatory records ken agdama a restriksion daytoy. No man adda planona nga agtalaw ti pagilian, kunana nga ipatungpal ti ahensia ti linteg a maiyataday.
Immunan nga inbutaktak ti Office of the Ombudsman idi Lunes ti panaggandat ni Romualdez nga agtalaw ti Pilipinas iti baet ti precautionary hold departure order kontra kenkuana.
