LAOAG CITY – Impakaammo ni Dr. Samantha Licudine, mangidadaulo iti City Veterinary Office ditoy siudad ti Laoag nga addan ti nairekord da a 13 a kaso ti animal rabies iti bulan ti Hunio.
Daytoy ket iti babaen ti sampling a naala ti opisinada kadagiti nakagat nga indibidual no sadinno a pakairamanan ti dua a kalding ken nagduduma pay nga stray animals.
Mainaig iti daytoy, kunana pay nga adda ti agarup 30 nga aso ti agdama a nakapupok iti Laoag City Animal Compound a natiliw dagiti barangay officials ken pakairamanan ti opisinada.
Maladingitan ni Licudine gapu ta awan ti mapan mangala wenno ag-claim man laeng kadagitoy a taraken.
Kabayatanna, gutgutigoten ti Doktor dagt umili nga agbalin a responsable iti panagtaraken kaagiti dingwen tapno maliklikan ti aniaman a mapasamak kadagitoy ken saan a mairisgo ti bagida.
