LAOAG CITY – Inpakaammo ni Mayor Cresente Garcia iti ili ti Burgos a mapatta-patta a 99% a residente iti nasao nga ili ti saan nga umanamong iti pannakaipasdek ti offshore wind farm iti kabaybayan iti ili ti Burgos.
Inbatadna nga awan pay ti baro a pakaammo ti Buhawind offshore wind farm no inton ano ti pannakaisayangkat ti public consultation kalpasan a nakanselar daytoy idi Hulio 17.
Inlawlawagna nga awan met ti naan-anay a rason nga indanon ti kompania kadakuada no apay a saan a natuloy ti public consultation.
Maipalagip a saan a nagatendar ti Buhawind offshore wind farm iti naiwayat a public consultation iti ili ti Burgos iti kallabes.
