LAOAG CITY – Nagkiddaw ni Mayor James Bryan Alcid ti panagrinnespeto iti executive ken legislative branch ditoy siudad ti Laoag.
Inbatadna nga iti baet dagiti mangmangngegan manipud iti legislative ket suportaranda met latta amin a programa ti gobierno siudad ngem adda ti maipagarup a panagduma ti aksion a maiwayat.
Inlawlawagna a kas local chief executive, ti pagsayaatan laeng ti sibubukel a Laoag ti kitkitaenna para kadagiti amin nga umili.
Kunana a rumbeng laeng nga agtakel dagiti adda iti legislative branch kadagiti programa a ma-implementar iti nasao a siudad.
Kabayatanna, inpettengna nga numan adda dagiti isyu a rumuar ket saanda baliwan ti naratibo-da.
