LAOAG CITY – Inpila ni Mamamayang Liberal (ML) Party-list Rep. Leila deLima ti Magna Carta of Young Farmers tapno maprotehiran dagiti karebbengan ken maresolbar dagiti karit a sangsangoen dagiti ubbing iti benneg ti agrikultura.
Gagem daytoy ti pannakabukel ti National Young Farmers Council ken ti National Young Farmers Roadmap tapno masigurado ti pannakaiprayoridad dagiti ubbing a mannalon ken karaman dagitoy iti pannakabukel ti national policies ke programa a mangsuportar iti pannakapadur-as.
Mangidiay pay daytoy ti assistance ti quality education, farm planning and management, ken access to markets a mangtulong kadagitoy nga agbalin a competitive.
Mainaig iti daytoy, masigurado pay ti pannakaipaay ti libre a legal services, nalaka a panagtalon, teknolohia, credit, ken capital.
Papigsaen pay daytoy dagiti land rights no sadinno a mapadur-as ti panagtalonda, mailaksid da ti land transfer taxes, ken tulong ti farm planning and management.
Kabayatanna, iti babaen ti nasao a gakat, maprotehiran dagiti ubbing a mannalon manipud diskriminasion, red-tagging, ken kinaranggas bayat a mapagtalinaed ti cultural identities-da ken ti indigenous farming traditions.
