LAOAG CITY –Nangipila ni Senate Committee on Energy Chairman Erwin Tulfo ti Senate Resolution No. 353 tapno maimbestigaran ti agtultuloy a panagngato ti singir ti kuryente (bill shocks) a gagemna ti kabukel ti pro-consumer nga addang para iti permanente a pannakaresolbarna.
Inpetteng ni Tulfo dagiti agtultuloy a reklamo manipud iti nagduduma a sektor a mangbakbaklay ti epekto ti kellaat a panagngato ti singir ti kuryente, panagbalin a komplikaso ti billing statement, saan nga umno a panagbasa ti metro, ken power interruptions.
Iti baet ti ado a reklamo ken isiyu, gagem ti Senador a maresolbar iti nabayagen a problema iti kuryente ti pagilian nga agkasapulanen ti insigida a tignay.
