LAOAG CITY – Nagbantay ti Philippine National Police ditoy siudad ti Laoag iti Aurora Park para kadagiti posible a mangiwayat ti tignay protesta kagiddan ti State of the Nation Address wenno SONA ni Presidente Ferdinand “Bongbong” Marcos Jr. ita nga aldaw, Hulio 27.
Segun ken ni P/Lt.Col. Ryan Retotar, Hepe ti Philippine National Police ditoy siudad ti Laoag Laoag, agarup 70 dagiti naiwaras a kapulisan iti lugar pakairamanan dagiti na-augment nga agbantay iti mismo sentro no bilang adda dagiti grupo a mangiwayat ti tignay protesta.
Inbatadna a nakasagana ti kapulisan a mangipaay ti seguridad tapno mapagtalinaed ti linak, urnos ken talna.
Inlawlawagna a nasken nga adda ti permit dagiti mangiwayat ti tignay protesta tapno mapalubosan dagitoy.
Innayonna nga adda ti nakaplastar a public viewing iti basketball court iti Laoag City Hall iti oras ti alas tres ti malem.
