LAOAG CITY – Nagatendar ti sumagmamano nga opisial ti Sangguniang Panlungsod ditoy siudad ti Laoag iti maikalima nga State of the Nation Address wenno SONA ni Presidente Ferdinand Marcos Jr. ita nga aldaw, Hulio 27.
Inbatad ni Vice Mayor Rey Carlos Fariñas, daytoy ket kas paset ti panangipakita ti suporta ken ni Presidente Marcos.
Inlawlawagna a napateg daytoy a programa a rumbeng nga atendaranda tapno personal a mangngeganda dagiti linaon iti panagbitla ti Presidente.
Kunana a gapu iti panagatendarda iti State of the Nation Address ket naiyakar ti regular session-da inton Mierkoles, Hulio 29 nga imbes inton bigat.
