LAOAG CITY – Kinumpirmaran ti Pasay City Police ti narekobreda a maysa a maipagarup improvised explosive device iti asideg ti Senado itay bigat, Hulio 27 iti baet ti panaglukat ti maika-dua a regular session ti 20th Congress.
Ti pannakarekobre ti nasao nga improvised explosive device ket napasamak sumagmamano nga oras sakbay iti maika-lima nga State of the Nation Address (SONA) ni Presidente Ferdinand Marcos Jr.
Basar iti report manipud iti biang ti pulisya, maysa nga employee ti towing service ti immuna a nakarekobre iti nasao nga improvised explosive device iti center island ti Diokno Boulevard itay alas-otso itay bigat.
Malaksid iti daytoy, karaman pay a narekobre iti lugar ti maysa a blasting cap, 9V battery, pagorasan ken maysa a container a naglaunan ti nasao a maipagarup explosive material.
