LAOAG CITY – Prayoridad ti Kongreso ti pannakaipiladagiti nabatbati pay a Legislative-Executive Development Advisory Council (Ledac) measures ti Marcos admiistration iti panagtitiponda ita a Lunes, Hulio 27.
Segun ken ni House Majority Leader Sandro Marcos, addan iti 26 manipud iti 52 priority bills ti naiendorson iti konseho ken target-da a mapagtalinaed daytoy iti maika-dua a legislative year.
Mainaig iti daytoy, impasigurado ti House Majority Leader a makatulong dagiti rakurakda a gakat iti Presidente ken nangnangruna kadagiti Pilipino tapno sumayaat ti panagbiagda.
Kabayatanna, karaman kadagti nabatbati pay a Ledac bills ket ti rakurak a Cybersecurity Act.
Nakasagana payen para iti maudi a pannakaabrubar dagiti amendment iti Cooperative Code ken ti gakat a mangdekdeklarar ti National Thanksgiving Day kada maika-uppat ti Nobiembre.
Malaksid iti daytoy, nakasaganan ti siam a dadduma pay a priority bills iti appropiations committee, karaman pay dagiti rakurak a gakat tapno mapapigsa ti tansparency iti government spending ken ti 15 a dadduma pay nga adda iti technical working groups.
