LAOAG CITY – Ginutigot ti Philippine Red Cross Ilocos Norte dagiti ilokano a makipagpaset iti umadanin a bloodletting activity inton Hulio 31 iti dakkel a mall ditoy siudad ti Laoag kas paset ti panangselebrar ti Natioal Blood Month iti intero a pagilian.
Malaksid iti blood letting activiy ket maipaay pay kadagti blood donors ti recognition ceremony iti met laeng kapada nga aldaw.
Segun kadakuada, nasken ti panag-donar ti dara kadagiti agakaspulan tapno makaited ti atattidog a panagbiag dagiti adda sakitna nga agkasapulan iti dara kas kadagiti agsagsagaba ti sakit a leukemia ken dagiti bumabbaba ti platelets-na gapu iti dengue.
Mainaig iti daytoy, inlawlawag ni Jayson P. Bulong, Auditor ti Blood Gallories Club ti Philippne Red Cross Ilocos Norte Chapter a dagiti agkalikagum nga agidonar ti dara ket masapolda ti walo nga oras a panagturog sakbay iti aldaw ti panagdonarna, saan nga naka-imom ti arak iti napalabas a 24 nga oras, saan nga imminom ti aniaman nga agas iti napalabas a pito nga aldaw, mangan sakbay ti panagidonar malaksid kadagiti nataba a taraon ken mangitugot ti identification card.
Inlawlwagda a no ti maysa nga indibidual ket nagdonar ti dara ket masapol nga aguray daytoy ti tallo a bulan sakbay a mabalinna manen ti agidonar.
Kabayatanna, inpetteng met ni Dr. Marie Rose Tolentino a nasken a malasatan ti maysa nga agkalikagun nga agidonar ti dara dagiti qulifications tapno maliklikan ti aniaman a risgo a mabalin a masagaba dagiti donors ken dagiti recipients.
Inlawlawag ni Tolentino a masapol nga agtawen ti 16 agingga 65 dagiti planona ti agidonar no sadinno ket dagiti minors ket masapolda ti parental consent ken idinto a dagiti senior citizens ket masapol a dati dan nga agidondonar ti darada innayonna pay masapol ng addaan dagitoy ti saan a bumaba ti 50 kilogram ti kinadagsen ti maysa a donor ken masapol a normal ti blood pressure-da.
Malaksid iti daytoy, segun ken ni Emyca Quinay, makatulong ti panagidonar ti dara para iti naanannayas a panagtaray ti dara, masukatan ti dara ti baro ken tapno maliklikan ti risgo ti heart attack.
Gapu iti daytoy, gutgutiguten ti Philippine Red Cross Ilocos Norte dagiti indibidual nga agkalikagum nga agidonar ti dara a makipagpaset iti maangay a blood donation program inton Hulio 31 iti dakkel a mall ditoy siudad ti Laoag.
