LAOAG CITY – Naduktalan ti panagpammarang ti maysa a kundoktor ti bus nga arigna na-holdap daytoy kalpasan a naipaabakna iti online sugal ti nasapulan iti panagpasadada nga umabot iti balor P17,000 iti Quezon City.
Segun kadagiti otoridad, nagkiddaw ti tulong ti agtawen 48 a konduktor ti bus kadagiti nagroving a pulis iti EDSA Balintawak agarup alas-4 ti bigat.
Naholdap kano daytoy ket intarayda ti napasadaanda.
Ngem agbalbaliw ti rakurak ti konduktor segun kadagiti pulis, kalpasan iti imbestigaion ti La Loma Police Station nga awan ti napasamak a holdap iti lugar.
Nakikoordinar dagiti pulis iti kompania, ket ditoy a naduktalan no napapananna ti P17,000 a napasadaanda.
Naarestar ti lalaki a lima bulan pay laeng nga agub-ubra kas konduktor tibus.
Inadmitirna a naabak daytoy iti online sugal a napasadaanda.
Segun kadagiti otoridad, naibalud a datin ti suspek iti Bulacan gapu iti kaso nga adda pakainaiganna iti iligal a drogra.
