LAOAG CITY – Impasigurado ni House Deputy Speaker La Union Rep. Francisco Paolo Ortega V ken House prosecutor 1-RIDER Party-list Rep. Rodge Gutierrez a saan a maapektaran ti agtultuloy nga impeachment trial ni Vice President Sara Duterte ti trabaho ti House of Representatives.
Daytoy ket kageddan ti maikadua a regular session ti 20th congress ita nga aldaw, Hulio 29 no sadinno nga impetteng ni Rep. Guitierrez a kabaelan dagiti agpampanday-linteg ti responsibilidad da kas legislative duties ken mainaig iti proseso ti impeachment.
Inbatad met ni Rep. Ortega, iti babaen ti time management wenno pannakaurnos a nasayaat ti iskedyul ket makapokus dagiti kongresista ti committee hearings, plenary duties, ken impeachment proceedings.
Mainaig iti daytoy, impasigurado pay ni House Majority Leader Ilocos Norte Rep. Sandro Marcos nga agtultuloy ti momentum ti Kamara iti pannakaipasa dagiti naipila a gakat a prayoridad ti Legislative Executive Development Advisory Council (LEDAC).
Kuna ni Marcos nga inpasan ti Kamara ti 26 iti 52 a LEDAC priority measures ken target-da a patibkeren kadagiti sumaruno a bulan ti nabatbati a gakat kangrunaan ti pundo ti pagilian iti sumaruno a tawen.
