LAOAG CITY – Umabot iti 5,602 a personnel ti Philippine National Police (PNP) ti naggigiddan a nai-promote idi kalman, Hulyo 29.
Naisayangkat ti naggigiddan nga oath-taking, donning ken pinning ceremonies iti intero a pagilian.
Karaman ditoy ti 1,877 a police commissioned officers ken ti 3,724 a police non-commissioned officers.
Kabayatanna, iti Camp Crame ket adda met ti 400 nga opisyal ti nakaawat ti baro a ranggo da kadwa da ti pamilya, papagayam ken commanding officers.
Binalakadan ni PNP chief PGeneral Jose Melencio Nartatez Jr. dagiti baro a naipromote a pulis nga addaan da ti nadagsen a responsibilidad iti baro a posisyon da iti agdama.
Kuna na a saan nga isusuot ti uniporme kas panangbigbig iti promosyon da imbes ket ad-adda a ti napateg para kadagiti Pilipino ket ti maaddaan ti natalged nga aglawlaw.
