LAOAG CITY – Naglikudan ti Department of Health (DOH) dagiti alegasion kontra ken ni Health Secretary Jose ‘Brix’ Pujalte Jr. iti pannakairaman na iti gambling ativities, kageddan ti formal complaint a naipila kontra kenkuana.
Inlawlawag ni Pujalte a nagturong daytoy iti maysa a hotel idi Hulio 20 ngem strikto a para laeng iti opisial a negosio.
Ni Pujalte ket maipagarup a naglabsing iti Section 14(a) ti Presidential Decree No. 1869, a mangipawil iti opisial ti gobierno nga agay-ayam kadagiti casino, kasta payen iti Republic Act No. 6713, wenno Code of Conduct and Ethical Standards for Public Officials and Employees.
Inpetteng ti DOH nga agtalinaed a nakapokus daytoy iti ahensia iti panangipay ti dekalidad a healthcare services iti publiko.
