LAOAG CITY – Inpetteng ni House prosecutor ken Bicol Saro Party-list Rep. Terry Ridon a napuskol dagiti rupa dagiti opisiales ti Office of the Vice President (OVP) ken Department of Education (DepEd) a nakitaripnong kadagiti dadduma nga opisial ti Commission on Audit (COA) mainaig iti requirements ti confidential funds.
Daytoy ket kageddan ti testimonia ni COA auditor Roderick Wamil iti impeachment trial no sadinno a daytoy ket idi Setiembre 2023, isuda OVP Chief of Staff Atty. Zuleika Lopez ken dati a chief of staff ti DepEd ken Spokesperson Atty. Michael Poa.
Kiniddawda a no bilang adda dagiti maduktalan iti panaggasto ti confidential funds, ket rumbeng laeng a maipaayanda ti audit query imbes nga audit observation memorandum wenno AOM.
Inyunay-unay ni Ridon nga awan iti lugar dagiti opisyales ti OVP ken DEPED tapno makitaripnong ken agpakaasi iti COA.
Nalawag a patien ni Ridon a ti nadakamat a taripnong ket gagemda a mangimpluensia iti COA isu a saan kuma a naiyuswat.
