LAOAG CITY – Kalikagum ti Estados Unidos ti pannakaselio ti katulaganda iti Iran para iti pannakailukat ti Strait of Hormuz.
Inbatad ni U.S. Treasury Secretary Scott Bessent a kalikagumda ti nasao a katulagan tapno mapalubusan dagiti pagilian nga agkalikagum iti a sumrek iti Strait of Hormuz.
Segun iti United States top official, manarimaan ti negisasionda iti Iranians mainaig iti tyansa a maadan ti maysa a katulagan para iti nasao a pammalubos a panaglukat.
Innayon pay ti nasao ng opisial a ti aniaman a katulagan ket mangisubli ti “freedom of movement” kadagiti nasken a shipping lanes.
Kabayatanna, segun iti Iranian official, nakasentro ti negosasionda a kaduada ti pagilian nga Oman para iti pannakabukel ti katulagan iti ruta a mangted ti dalan para kadagiti barko iti Strait of Hormuz.
Inpetteng pay ti Iran a ti katulagan a dinakamat ti US ket temporario laeng malaksid no isardengen ti Amerika ti panangiwayatda kadagiti panagatkeda.
