LAOAG CITY – Kiniddaw dagiti prosecutor ti Office of the Ombusman iti Sandiganbayan Third Division nga ibabawi ti desision a nangipalubos a makapag-piyansa ni dati a Senator Ramong ‘Bong’ Revilla Jr. iti sangsangoenna a kaso ti malversation mainaig ti maipagarup a ghost flood control project iti Pandi, Bulacan.
Iti inpilada a motion for reconsideraon, inbatad ti prosekusion a saan nga umdas a pagibasaran ti nagbalin a piyansa a aipagarup a ti naawat a ‘commitments’ wenno kickbacks ni Revilla ket saan a pangpubliko a pundo tapno maikkat ti pagsungbatanna iti maipagarup a saan nga umno a pannakausar ti P76.9M a pundo ti gobierno.
Innayon pay ti prosekusion a ti panagawat ni Revilla ti advance kickbacks ket indikasion ti pannakikaysana iti planonga usaren ti pundo ti goberno.
Nupay saan a direkta a ni Revilla ti nangbubos ti pundo ket immanamong daytoy ti panangiwayat ti padana nga akusado ti panangbusbos ti pundo ti gobierno
