LAOAG CITY – Maysa nga startup company iti United Kingdom ti nangipaam-ammo ti baro a wagas ti panag-tattoo a maipagarup nga arigna awan ti sakit ken saan a kasapulan ti tradisional a tattoo machine.
Ti London-based company a Cipher X, ket agus-usar ti ‘Microdot’ patch nga addaan ti babassit a dagom. Imbes a maulit-ulit ti pannakatudok kas ti gagangay a tattoo, dagiti microscopic needle ket tumama laeng iti rabaw ti kudil tapno maiserrek ti ink.
Segun iti kompania, inyuswat daytoy ti CEO a ni Ferdinand Kohle gapu iti buteng na ti dara ken dagom. Gagemna ti makabukel ti ad-addaa nga alisto a wagas ti panag-tattoo para kadagiti tao a kayatna ti permanente a tattoo ngem likliklikanda ti tradisional a sakit bayat iti poseso.
Mainaig iti daytoy, kuna dagiti nakapadasen nga agarup awan ti nariknada a sakit, pnagdara, wenno iritasion, ngem kasapulan latta ti pannakaobserbarna ti tibkeer ket kinapaut ti resulta.
