LAOAG CITY – Nangipila ti resolution ti Senado para iti pammigbig ken ni Filipina tennis sensation Alex Eala para iti panangabakna iti 2026 Mubadala DC Open nga isu ti kaunnaan a gundaway a nangabak ti pagilian iti Women’s Tennis Association (WTA) 500 win.
Pinadayawan dagiti senador ni Eala iti babaen ti Senate Resolution No. 554.
Kinuna ni Senate Majority Leader Juan Miguel Zubiri nga intugot ni Eala ti pagilian iti sabali a lebel ti lubong ti ay-ayam.
Mainaig iti daytoy, kinuna ni Senator Robin Padilla a nanglukat ni Eala ti ridaw a nabayagen a nakarikep.
Gapu iti daytoy, kunana a masapul pay ti ad-adda a pannakapapigsa ti physical education dagiti estudiante ken panangallukoy kadagitoy a makipaset iti sports.
