LAOAG CITY – Nagtakaw ti maysa a babai iti maysa a pares ti tsinelas iti maysa a dakkel a mall ditoy siudad ti Laoag.
Ti suspek ket agtawen 19 ken residente iti ili ti Banna ken idinto a ti nakakita ket maysa a lalaki nga agtawen 27, awanan asawa, security guard iti dakkel a mall, ken residente iti ili ti Burgos.
Daytoy ket napasamak iti Slipper Section ti paset ti lower ground floor iti department stor ti nasao a mall.
Segun iti witness, manarimaan ti roving-na idinto a nakitana ti suspek nga inkabilna iti uneg ti bag-na ti maysa a pares ti size 7 a tsinelas.
Apaman nga in-bag na daytoy, nagpammarang ti suspek nga ituloyna ti agpagna-pagna nga agturong iti cashier tapno agbayad, ngem saanna a binayadan ti nasao a tsinelas.
Idinto ta agtalaw daytoy, nagkiddaw ti security guard ti resibo ti ginatangna ngem awan ti nakaipan a tsinelas nga addaan ti balor a PhP1,995.00.
Mainaig iti daytoy, inpakaammo ti security guard kadagiti kameng ti pulis ket insigida met ti panagresponde-da.
Kalpasan ti pannakaberipikar ti napasamak, ditoy a naarestar ti suspek ken iti agdama ket adda daytoy iti kustodiar ti Philippine National Polic (PNP) Laoag para iti pannakaisagana dagiti kasapulan a dokumento para iti pannakaipila ti kaso kontra kenkuana.
