LAOAG CITY – Ti panagbalin a propesional ket marukrukod iti aramid ken saan laeng nga iti sarita.
Daytoy ti sungbat ni Palace Press Officer Claire Castro kalpasan nga inrakurak ni Vice President Sara Duterte a nasken nga agbalin isuna a propesional iti panagsaritana kas pannakangiwat ti Presidente.
Inbatad ni Castro a responsibilidadna nga ipakaammo iti publiko dagiti programa ti Presidente ken ti administrasion kasta pay nga ikorehir ti saan nga umno nga impormasion ken sungbatan dagiti awan ti pagibasaran nga akusasion kontra iti Presidente ken ti gobierno.
Kunana nga imbes a sungsungbatan dagiti irakrakurakna nga isyu ket ad-adda met a pilplien ni Vice President Sara ti personal a panagatake.
Inpetteng pay ni Castro a naruay dagiti talugading ti maysa a lider ti saan a maipakpakita ti Bise Presidente.
