LAOAG CITY – Napaneknekan ti Alas Pilipinas Girls a kabaelanda a makipaset iti global stage kalpasan a billigi a nangabak dagitoy iti 2026 FIVB Volleyball Girls U17 World Championship.
Daytoy ket kalpasan nga inatiw ti Alas ti Mexico iti score a 25-19, 20-25, 25-18 ken 25-23 para iti umuna a Pool B win itay bigat, Agosto 8 idiay San Felipe, Chile.
Dandani a dimmanon ti Mexico iti maikalima a set no sadinno lamangda iti score a 22-20 iti laban kalpasan a saan naiserrek ni Caera Celis ti spike-na.
Nupay kasta, insigida a nakasubbot ni Celis no sadinno pinasarunoanna ti back-to-back aces manipud ken Jhaynna Bulandres sakbay a naka-score ni Celis ti maysa nga off-the-block hit tapno magun-od ti match point iti score a 24-22.
Kabayatanna, naka-score ni Gabriela Ayala ti maysa a puntos para iti Mexico ngem saan daytoy nga inpalubos ni Celis ken nangipaay ti pakasaritaan nga atake a nagresulta ti pannakangabak ti Pilipinas.
Maipalagip a nakasubbot ti Alas Girls iti 1 win ken 1 lose kalpasan ti straight-set loss kontra iti defending champion ken World No. 1 a ti China.
