LAOAG CITY – Inbatad ni House prosecutor ken Bicol Saro Representative Terry Ridon a maibilang kas ‘tip of the iceberg’ laeng ti 845 acknowledgement receipts ti confidential funds iti impeachment trial ni Vice President Sara Duterte.
Inbutaktak ni Ridon a manamnama a maidasar dagiti testigo ti prosekusion manipud iti Philippine Statistics Authority (PSA) ken National Bureau of Investigation (NBI) tapno maipakita ti kinalawa ti maipagrup nga irregularidad iti panagusar ti confidential funds ti OVP.
Ti naidasar pay laeng ti prosekusion iti impeachment trial ket dagiti sample laeng ti 845 acknowledgement receipts nga inyisyu ti OVP a mangipakita ti mapagat-atapan a resibo.
Mainaig iti daytoy, ituloy ni COA-Intelligence and Confidential Funds Audit Office supervising state auditor Xylene Mae del Campo ita nga aldaw, Lunes ti panagtestigo iti panagusar ti confidential funds ti Office of the Vice President (OVP) ken Departmen of Education (DepEd).
Innayon ni Ridon a makita kadagiti ebidensia a ti Bise Presidente ti kangrunaan a responsable iti panagusar, disbursement, ken liquidation ti confidential funds ti dua nasao a dua nga ahensia.
