LAOAG CITY – Innanganan ti testigo ti prosekusion a ni Commission on Audit (COA) supervising auditor Xylene Mae del Campo ni Vice President Sara Duterte kas maysa kadagiti opisial a “liable” wenno adda iti likudan ti P73.287 million disallowance iti confidential funds ti Office of the Vice President (OVP).
Basar iti testimoia ni Del Campo, kas Head of Agency, ni VP Sara ti mabigbig kas “accountable officer” iti notice of disallowance ti Commission on Audit (COA) gapu iti panangaprubarna kadagiti transaksion ken panagaramat kadagiti cash advance manupid iti naanomalia a confidential funds ti Office of the Vice President (OVP) idi Disiembre 2022.
Malaksid iti bise presidente, innaganan pay ni Del Campo a personal nga agsungbat dagiti dua pay nga opisial ti OVP pakairamanan da Gina Acosta (Special Disbursing Officer) – payee ken nangi-disburse kadagiti cash advance ken ni Julieta Villadelrey (Chief Acountant) – nangsertipika kadagiti supporting document.
