LAOAG CITY – Nasurokan ti “Spider-Man: Brand New Day” ti P1 billion mark iti box office ti Pilipinas, kalpasan a nakagun-od iti P1,055,450,903 iti maikadua a lawasna kadagiti sinehan.
Karaman kadagiti sinehan iti pagilian a nakairekord iti kangatuan a grossing para iti pelikula ket ti Metro Manila, National Capital Region (NCR), ken dadduma pay.
Iti umuna nga aldaw ti pannakairuarna ditoy Pilipinas, nakagun-od ti “Spider-Man: Brand New Day” iti P95.9 milion.
Napasamak ti “Spider-Man: Brand New Day” uppat a tawen kalpasan a nalipatan dagiti tattao ti pakasaritaan ni Spider-Man iti “Spider-Man: Far From Home.”
Kadagiti immuna a trailer, naipakita ni Peter Parker a mangkonkontrol iti bagina ken dagiti kabaelanna nga ubraen pakairamanan ti inrakurak ni Bruce Banner (Mark Ruffalo) a panagbalbaliw ti DNA-na.
Ti pelikula ket bida ni Tom Holland a kas ni Peter Parker; Zendaya kas MJ, ken Jacob Batalon kas Ned.
