LAOAG CITY – Inbatad ti Department of Agriculture nga umaboten iti P689 milyon ti balor dagiti nadadael iti agrikultura manipod iti epekto ti abagat ken dagiti naglabas a bagyo.
Iti pakabuklan nga agricultural damage, ₱451 milyon ditoy ket apektado dagiti mula a pagay nga addaan ti kalawa a 18,000 nga ektarya.
Inbatad ti pannakangiwat ti Department of Agriculture a ni Assistant Secretary Arnel De Mesa, a 15,500 nga ektarya ti apektado a kataltalunan ti partially damaged ken adda pay ti tiyansa na a makarekobre.
Agarop 3,000 nga ektarya met ti totally damaged.
Nairekord iti Pampanga ti kadakkelan ti agricultural losses iti P131 milyon, sumaruno ti Nueva Ecija ken Pangasinan.
Mapatta-patta nga umabot met iti P2 milyon ti nadadael iti livestock ken poultry.
