LAOAG CITY – Inpetteng ti pagilian nga Iran ti panagtalinaedda iti kontrol ti Strait of Hormuz iti baet ti rakurak ni United States President Donald Trump a mabalin na nga ideklarar a daytoy ket paset a teritoryo ti Amerika.
Segun ken ni Iranian Deputy Foreign Minister Kazem Gharibabadi, a kukua ti Iran ti nasao a Hormuz ken ti laeng Tehran ti addaan turay nga agdesision no malukatan wenno maiserra daytoy.
Immunan nga inbatad ni Trump iti maysa a political rally iti New York a mabalinda a tagikuaen ti Starit of Hormuz kalpasan ti maipagarup a panangatiw ti Estados Unidos kontra Iran.
Nupay kasta, iti agdama, agtalinaed a limitado ti pagdalyasatan dagiti barko iti lugar kalpasan a pinaserraan daytoy ti Iran kageddan ti panagkaro ti tension ken rinnupak iti Middle East.
