LAOAG CITY – Pinagbalin ti maysa a 90-year old a babai idiay Brazil a rosario ti 62 gallstones nga innalna manipud iti bagina iti uneg ti sumurok dua a dekada.
Nabigbig ti babai a ni Vanda Maria da Cunha Martins, agnanaed idiay Santa Catarina, Brazil.
Naamoan a ti nasao a babai ket nakapasar ti operasion tapno maikkat ti gallbladderna gapu ti panagtubo ti adu a bato iti apdona.
Kalpasan ti operasionna, kiniddaw ti pamiliana iti ospital nga iyawidda dagiti gallstone a naala manipud ken ni Martins ket idi dalusan ken bilangenda dagiti bato, ket immabot iti 62 ti nabilangda no sadinno ket napansinda nga umanay daytoy a bilang tapno makaaramid ti maysa a rosario.
Gapu iti dayutoy, napagtutulaganda nga ipaaramid dagiti nasao a gallstone a pagbalinen a rosario iti maysa a pagaramidan ti rosary.
Kabayatanna iti agdama, adda pay laeng ti nasao a rosario ken ni Martins.
