LAOAG CITY – Impaganetget ni Speaker Faustino “Bojie” Dy III ti panagkasapulan iti maysa nga insurance system a makatulong kadagiti mannalon a makabangon iti epekto dagiti kalamidad.
Daytoy ket kalpasan ti pannakaipsa iti maikatlo ken maudi a panangbasa ti House of Representatives iti gakatna (House Bill 10365) a gagemna a mapapigsa iti Philippine Crop Insurance Corporation (PCIC) iti babaen ti panangpalawa kadagiti serbisio a maipaay iti sektor ti agrikultura.
Ti gakat ket palawaenna ti sakup ti Philippine Crop Insurance Corporation (PCIC) kadagiti kualipikado a mannalon ken mangngalap kontra kadagiti pannakapukaw gapu kadagiti natural a didigra, foruitious events, sakit ti mula, animal ken ikan, ken panagadu dagiti peste.
