LAOAG CITY – Nangipatungpal ti dayalogo ti envoy ni US President Donald Trump iti Middle East a ni Jared Kushner iti Hamas tapno pagsasaritaan ti implementasyon ti US-backed Gaza peace plan.
Segun iti Palestinian official, nakipagkita ti manugang ni Trumo it delegasyon nga indaulwan ti baro a leader ti Hamas a ni Khalil al-Hayya idiay Egypt idi kalman, Agosto 16.
Maipalagip nga iti napalabas a bolan ket inrakurak ti Board of Peace ni Trump a nagun-od dan ti katulagan para iti “complete disarmament” ti Hamas ken dadduma pay nga armed group iti Gaza.
Iti napalabas a lawas, inbasura ti Israel ti 15-point plan ni Trump a nangitunda ti panawagan para iti panag-withdraw ti Israeli troops ken balbaliw a maaramid ti Gaza iti babaen ti baro a civilian Palestinian administration.
Nangiparuk-at met ti walo a Muslim countries ti statement a nangkondenar iti nagbalin a desisyon ti Israel.
Kabayatanna, naamoan a karaman iti naiyuswat a taripnong ket isuda Board of Peace envoys Nickolay Mladenov ken dati nga United Kingdom Prime Minister Tony Blair, kasta pay dagiti nangibagi manipod iti pagilian nga Ehipto, Qatar ken Turkey.
