LAOAG CITY – Pormal nga indeklarar ti impeachment court kas “hostile witness” ni Gina Acosta, ti dati nga Special Disbursing Officer (SDO) ti Office of the Vice President (OVP), ita nga aldaw ti panagdengngeg.
Gapu iti daytoy, inlawlawag ni Presiding Officer Chiz Escudero a mabalinen ti agusar kadagiti “leading question” ni Private Prosecutor Atty. Amando Virgil Ligutan it panagsaludsud na iti testigo.
Kabayatanna, nagbalin a nabara ti panagdengngeg kalpasan a sinita ni Senator-Judge Erwin Tulfo ni Acosta ken obligaren nga agsarita ti lenggwahe a Tagalog ken English.
Inpetteng na a maibaybayag ti trial iti panangi-translate manipod iti Bisaya, mapagbalin a tagalog ken English gapu iti panangibaga ti witness a saan a naruwam iti sabali a lenggwahe.
Nangiparuk-at pay ni Tulfo ti kopya ti opisyal a transcript manipod kadagiti naglabas a panagdengngeg ti House Committee on Good Governance tapno paneknekan a makasarita ken makasungbat met ni Acosta iti lenggwahe a tagalog.
