LAOAG CITY – Rimuar iti maysa a panagadal a ti panagtugaw ti nasurok a kagudua ti oras iti kada aldaw ket mangpangato ti tiyansa ti pannakatay manipod iti cancer.
Iti panagadalan dagiti researchers manipod iti University of Glasgow, tinutukan da ti nasurok a 90,000 a tattao iti uneg ti maysa a dekada a panagadal ken nadiskubre a ti nabayag a panagtugaw ti nasurok a 30 a minuto ket addaan ti nangato a tiyansa ti cancer death.
Basar iti panagadal, ngumatngato ti pangta iti nasao a sakit ken pannakatay iti kada oras idinto nga awan ti ar-aramiden ti maysa a tao, malaksid iti panagtugaw.
Nupay kasta, nadiskubre met dagiti researchers a dagiti tattao a masansan ti panaggaraw na manipod iti panagtugaw ket makakissay iti pangta ti sakit kas ti panagtakder, pannagna iti uneg ti opisina ken dadduma pay.
