LAOAG CITY – Sinuspenso ti Senate impeachment court ti scheduled trial ti kaso ti impeachment ni Bise Presidente Sara Duterte inton bigat, Agosto 18, 2026, gapu iti manamnama a napigsa a tudo ken layus nga epekto ti Southwest Monsoon wenno Habagat.
Iti pakaammo a pinirmaan ni Clerk of Court Renato Bantug Jr. ita nga aldaw, Lunes Agosto 17, kunana nga imbilin ni Senate impeachment court Presiding Officer Senator Francis “Chiz” Escudero ti pannakakansela ti panangusig.
Segun iti pakaammo, nakanselar ti panangusig gapu iti ballaag ti state weather bureau iti napigsa a tudo ken layus a manamnama ita nga aldaw, Martes.
