LAOAG CITY – Mangipila ti Department of Labor and Employment (DOLE) ti motion for reconsideration tapno ma-nullify ti pammilin ti korte ti Pasig a manglapped iti pannakaipatungpal ti P85 wage hike iti Metro Manila.
Inwaragawag daytoy ni Sec. ni Francis Tolentino kabayatan ti Ibalong Job Fair.
Segun ken ni Tolentino, makitinnulong ti Department of Labor and Employment (DOLE) iti Office of the Solicitor General tapno agtignay iti bilin ti Pasig City Regional Trial Court Branch 152.
Immuna a nangipaulog ti korte iti temporary restraining order kontra iti Wage Order No. NCR-27 kalpasan a pinagduaduaan daytpy ti dua a construction company.
Daytoy ket sinaruno ti pannakaipaulog ti writ of preliminary injunction, isu a nagtalinaed a naisardeng ti panagngato ti sueldo.
Naglaon ti Wage Order iti P85 a panagngato ti inaldaw a minimum wage iti Metro Manila, a maipatungpal iti dua a tranches.
Naikeddeng a mangrugi ti umuna a P60 inton Hulio 25, ken ti sumaruno a P25 ket inton Enero 20, 2027.
Nagatendar pay ni Tolentino iti TULONG PANGHANAPBUHAY SA ATING DISADVANTAGED/DISPLACED WORKERS (TUPAD) orientation iti Embarcadero idiay Legazpi a kaduana da Ako Bicol Party List Rep. Alfredo Garbin Jr. ken Mayor Hisham Ismail.
Kinuna ti sekretario a mangisayangkat ti DOLE iti job fairs iti kada bulan iti nadumaduma a paset ti pagilian tapno matulongan a mangkissay iti kinaawan panggedan ken ad-adu pay a gundaway dagiti agsapsapul iti trabaho.
Ginutigotna pay dagiti pribado a kompania a mangaramid iti gundaway ti panggedan para kadagiti agsapsapul iti trabaho.
Kinuna pay ni Tolentino a ti gobierno, iti pannakitinnulong ti Technical Education and Skills Development Authority (TESDA), ket mangpapigsa kadagiti programa ti upskilling ken retraining tapno maitunos ti paglaingan dagiti trabahador kadagiti available a trabaho.
