LAOAG CITY – Kwinestonaran ni Senador Panfilo “Ping” Lacson ti kinaepektibo ti panagregget ti gobierno a mangkontrol iti layus, no sadinno a ti Department of Public Works and Highways (DPWH) ket nakagasto iti P1.939 trillion iti programana a flood control management manipud 2011 agingga 2025, nga agtultuloy ti layus a makaapektar kadagiti nagduduma a paset ti pagilian.
Daytoy ket kalpasan ti napigsa a tudo ti monsoon ti a nangitunda ti layus ken nangkanselar kadagiti aktibidad iti sumagmamano a lugar, pakairamanan ti Metro Manila, kadagiti napalabas nga aldaw.
Dinakamat ti senador ti historical data iti DPWH flood management spending iti babaaen ti administrasion da Aquino, Duterte ken Marcos manipud 2011 agingga 2025, nga addaan iti tinawen a pondo para iti flood management a manglabsing iti P100-billion mark idi 2018:
2011: P11.323 bilion
2012: P10.816 bilion
2013: P15.817 bilion
2014: P30.001 bilion
2015: P47.849 bilion
2016: P67.740 bilion
2017: P81.223 bilion
2018: P139.001 bilion
2019: P126.062 bilion
2020: P116.047 bilion
2021: P140.462 bilion
2022: P145.622 bilion
2023: P287.018 bilion
2024: P346.771 bilion
2025: P372.814 bilion
Naobserbar ni Lacson a nupay nasurok a P1 trillion ti nagastos ti DPWH iti flood management iti napalabas a 15 a tawen wenno agarup P350 million iti inaldaw, agtultuloy latta ti problema.
Ni Lacson iti immun-una a nangibutaktak kadagiti anomalia a proyekto ti flood control kadagiti lugar a pakairamanan ti Bulacan ken Mindoro Oriental iti babaen dagiti privilege speeches-na ken dagiti panagdengngeg ti Blue Ribbon Committee.
Naduktalan pay ti senador ti sumagmamano a mapapati nga anomalous slope protection projects ken illegal reclamation activities iti Taguig City, ken inpaima na dagiti ebidensia iti Office of the Ombudsman.
