LAOAG CITY – Natay ti siyam nga indibidual idinto a 23 a sabsabali dagiti nasugatan, a pakairamanan ti maysa nga ubing iti Ukrainian strikes iti Russia.
Basar iti report, walo nga indibidual ti natay iti laud ti Belgorod region iti border ti Ukraine iti napalabas a 24 a lawas.
Adda pay ti nairekord a natay a maysa a babai iti abagatan ti Astrakhan region.
Kabayatanna, inrakurak met ti Ukraine a dua nga indibidual ti natay iti Russian drone attacks iti north-eastern Sumy region, ken dua met ti pimmusay iti Donetsk region.
Maipalagip a rinugyan ti Russia ti rimmaot iti Ukraine idi Pebrero 2022 no sadinno a kontrolado dan ti lima nga Ukrainian territory.
