LAOAG CITY – Inbilin ti Korte Suprema ti Pakistan ti pannakaikabil ni nakabalud a dati a Prime Minister Imran Khan, kalpasan dagiti reklamo maipanggep iti saan a nasayaat a sasaaden ti salun-at na.
Naiget ti pammilin ti tallo nga huwes a ti cricketer-turned-politician ket maikabil iti Shifa International Hospital iti Islamabad iti uneg ti 48 nga oras para iti naan-anay a pannakaeksamen na babaen kadagiti doktor.
Inbatad pay ti korte a mapalubusan ni Khan a makipagkita iti pamilya na iti kada lawas ken ti pannakisarita na iti telepono kadagiti annak na.
Maipalagip a naibalud ni Khan sipud idi 2023 gapu iti panagkunniber, ken nagtalinaed ti takder ti dati a prime minister a dagiti kaso a naipila kontra kenkuana ket adda ti maris pulitika na.
Awan pay ti nagbalin a komento ti gobierno ti Pakistan mainaig iti nagbalin a pammilin ken desisyon ti korte.
