LAOAG CITY –Immapela ni Akbayan Party-list Representative Dadah Kiram Ismula iti amin nga agsardengen iti panagiwaras kadagiti saan nga umno ken saan a beripikado nga imposrmasion mainaig iti napasamak a pammaltog iti uneg ti Ateneo de Zamboanga High School campus idi kalman, Agosto 18.
Kuna ni Ismula a daytoy ket kas panangrespetar iti pamilia dagiti naapektaran iti trahedia ken tapno saan a mangipaay ti panagbuteng wenno pannaka-alarma.
Kas residente ti Zamboanga City, daytoy ket naladingit ken makaalarma para ken ni Ismula isu nga insigida ti pannakiladingitna kadagiti estudiante, mangisursuro, staff ti unibersidad ken kasta payen kadagiti nagannak ken sibubukel a komunidad.
Inpetteng ni Ismula a ti pagadalan ket kasapulan a kanayon a natalged para iti pannakasursuro ken panangmuli ti kinatao.
Impasigurado met ni Ismula a sisasagana ti Akbayan Party-list a mangipaay ti suporta iti aniaman a wagas a kabaelanda.
