LAOAG CITY – Balligi a naarestar ti maysa a senior citizen gapu iti kasona a grave threats iti ili ti Dingras.
Ti suspek ket agtawen 69, naasawan, mannalon, ken residente ti Barangay Espiritu iti nasao met laeng nga ili.
Basar kadagiti otoridad, daytoy ket naarestar iti bileg ti warrant of arrest gapu iti panaglabsing ti Article 282 of the Revised Penal Code wenno ti Grave Threats.
Daytoy ket naarestar iti Barangay Suyo iti isu met laeng nga ili.
Iti agdama, ti suspek ket naipadalan iti medical examination iti Dingras District Hospital ken addan iti kustodiar ti Municipal Police Station sakbay a maisubli iti korte.
