LAOAG CITY – Plano ti Duke ken Duchess of Sussex ti agsubli nga agnaed iti United Kingdom.
Basar iti report, target da Prince Harry ken Meghan ti umakar manipod iti Estados Unidos ket agsubli da nga agnaed idiay United Kingdom no sadinno a ti kalikagom da a pagyanan ket iti pribado ken non-royal residence iti ruwar ti London.
Naamoan a nakaenrol metten iti British School dagiti annak da Prince Harry ken Meghan nga isuda Prince Archie, agtawen ti pito ken Princess Lilibet, agtawen ti lima, no sadinno a mangrugi dagitoy nga ageskwela intono Setyembre ita a tawen.
Naidanun metten ken ni King Charles ti iyaakar ti pagnaedan ti pamilya ni Prince Harry ngem awan pay ti plano iti panangituloy da ti akem da kas working Royals.
Maipalagip a ti pamilya ni Prince Harry ket binisita da ni King Charles iti pagtaengan na iti Highgrove idi Hulyo ngem saan da a napagsasaritaan ti iyaakar da iti United Kingdom.
Naipakaammo payen ti nasao a plano kada Prince William ken Princess Catherine.
