LAOAG CITY – Naduktalan a ti fatty food ket mangpangato iti risgo iti colorectal cancer ken dadduma a sakit.
Karaman pay iti listaan ti nangato iti risgo na iti salun-at a maikonkonektar kadagiti nataba a taraon ken nababa iti fiber na ket dagiti sumaganad:
- low-density lipoprotein cholesterol (LDL) or “bad” cholesterol
- clogged arteries
- weight gain
- heart disease
- liver stress
- blood sugar spikes
- bad digestion
Basar kadagiti researchers manipod iti Germany, naduktalan a dagiti saan a nasalun-at a diyeta ket mabalin a pakaalaan ti gut bacteria a makaparnuay ti secondary bile acid, a mangitunda ti panagdakkel ti tumor.
Nailawlawag pay a maikonektar ti bile acid iti colorectal cancer, no sadinno a ti taba kadagiti ipapauneg a taraon ket mangitunda ti pannakaparnuay ti primary bile acids iti dalem, a dagitoy nga asido ket napateg iti bagi agsipud ta dagitoy ti mangwara ken mangabsorbar kadagiti mantika iti bagi.
