LAOAG CITY – Nagballigi dagiti kameng ti Philippine National Police a nangarestar iti maysa a kameng ti Philippine Coastguard iti ili ti Currimao.
Segun iti Ilocos Norte Police Provincial Office, ti akusado ket agtawen ti 36, naasawaan, coast guard, taga probinsya ti La Union ngem agdama a naka-assign iti Coast Guard Station iti ili ti Currimao.
Naarestar ti akusado babaen ti bileg ti warrant of arrest gapu iti kaso na a Reckless Imprudence Resulting in Homicide.
Nupay kasta, temporaryo a nawaya-wayaan ti akusado kalpasan a nakapagpiyansa ti P60 ribo a pisos.
Maipalagip a napilaan ti kaso ti nasao a coastguard kalpasan ti pannakadungpar na iti maysa a mangisursuro ditoy ciudad ti Laoag iti kallabes.
Ti nasao a mangisursuro ket manarimaan ti panag-walking na iti by-pass road ditoy ciudad ti Laoag idi nadungpar ti nakamotorsiklo nga inturong ti coastguard a nangitunda ti pannakatayna.
