LAOAG CITY – Inbatad ni Orly Guteza a saan laeng a napasuksokan dytoy tapno makaaramid iti ulbod a testimonia ngem nudiket inaramidna daytoy gapu iti butengna.
Inbabawi ti dati a security aide ni ex-lawmaker Zaldy Co ti umuna nga affidavit-na a mangibagbaga a nangitulod kadagiti maleta a kuarta ken ni dati nga speaker Martin Romualdez.
Mainaig iti daytoy, iti baro nga affidavit-na, kinuna ni Guteza a pinasuksokan daytoy ni Senador Rodante Marcoleta ken dati a House lawmaker Mike Defensor.
Kinuna pay ni Guteza a sinaludsodna ti bagina ken no apay nga inaramidna ti daytoy, innayonna a daytoy ket gapu kadagiti nasam-it a kari kasta met ti buteng.
Malaksid ken ni Guteza, uppat pay a lallaki a nang-tag ken ni Romualdez ken dadduma pay a personalidad iti flood control scam ti nangikkat iti akusasionda. Kinuna met ti maysa kadakuada a kayatda ti agsubli iti naulimek a panagbiag.
