LAOAG CITY – Ilunglungalong ni Senador Risa Hontiveros ti insigida a pannakaipasa ti maysa a gakat a mangpalawa iti proteksion dagiti ubbing kontra iti technology-facilitated violence, agraman dagiti pangta iti labes ti seksual a panangabuso ken pananggundaway iti online.
Kinuna ni Hontiveros a nasken a maideklarar insigida ti Child Online Safety and Protection Act, ti linteg nga Anti-Online Sexual Abuse and Exploitation of Children (OSAEC) gapu iti dumakdakkel a pangta ti nihilistic violent extremism (NVE).
Ti bill ket agdama nga adda iti period of amendments iti Senado, bayat a ti Kamara ket nangipasa ti counterpart bill iti maikatlo ken maudi a pannakabasa.
Kinuna ni Hontiveros a mabalin nga agusar ti dadduma nga indibidual kadagiti digital platforms tapno groom ken radicalize dagiti ubbing ken posible nga iduron ida nga agturong iti kinaranggas.
Nupay agduduma ti pangta ti OSAEC ken NVE, kinunana, mabalinda nga usaren dagiti agpapada a digital platform ken gundawayanda dagiti kinakurang iti nasapa a pannakaduktal ken pannakasalaknib ti ubing.
Iti babaen ti bill, mapalawa ti proteksion dagiti ubbing kontra iti kinaranggas a pinasimple ti teknolohia, saan laeng a seksual a panangabuso ken pananggundaway.
