LAOAG CITY – Inyistorya ni Jazel Niño, ti kaanakan ti suspek ti pammaltog iti Barangay Labut iti ili ti Badoc ti saan a nasayaat a trato ti uliteg na iti pinatay na a live-in partner na.
Segun ken ni Niño, tunggal agriri dagiti aglive-in partner ket tumawag kenkuana ti ikitna tapno ipakaammo ti inaramid manen ti ulitegna kenkuana.
Inbatad ni Niño a basar iti ikitna ket adda pay ti gundaway a binekkel ti suspek.
Malaksid iti daytoy, kuna ni Niño nga inpakaammo kenkuana ti ikitna a pinaputukan ti paltog ti ulitegna ngem nagasat gapu ta saan a natamaan.
Inpakaammo pay ni Niño a ti kangrunaan a problema ti ikitna ket ti kinatangsit ti ulitegna, aglalo ket kanayun pay ti panaginom ti arak ti lalaki.
Innayon na a saanna nga inpagarop a maaramid ti ulitegna ti mangpatay iti ikitna, aglalo ket amin dagiti sanikua da ket ti biktima ti naggatgatang.
