LAOAG CITY – Dinayyeg iti magnitude 6.7 a gingined ti southern Peru, basar iti United States Geological Survey.
Nagsentro ti gingined iti kaadayo a 38 a kilometro amianan a laud ti Upahuacho, probinsia ti Parinacochas iti rehion ti Ayacucho, ken addaan daytoy ti kauneg nga 66 a kilometro.
Narikna ti gingined iti sumagmamano a paset ti southern Peru, agraman ti Ica ken Arequipa.
Awan pay ti nairekord a nadadael ngem agtultuloy nga iberberipikar dagiti otoridad ti lugar a naapektaran ti gingined.
Awan met ti pangta ti tsunami kalpasan ti nasao a gingined.
