LAOAG CITY – Natay ti walo nga indibidual kalpasan ti panag-crash ti maysa a charter plane idiay western Alaska.
Basar iti Federal Aviation Administration, aggapo ti nasao a charter plane a Cessna 441 iti Anchorage, Alaska nga agturong koma iti Cape Newenhan.
Mainaig iti daytoy, inbatad ni Clint Johnson, hepe ti National Transportation Safety Board ti Alaska region, a dagiti biktima ket pakairamanan dagiti dua a piloto ken innem a pasehero.
Ti nasao nga eroplano ket maysa a civilian-contracted flight nga addaan ti karga a walo nga indibidual.
Sumagmamano a minutos laengen sakbay ti panag-landing ti eroplano iti Cape Newenham Airport a maysa nga Air Force airstrip ket kellaat a naawaanda ti kontrol a rason ti panag-crash ti eroplano.
Kabayatanna, agtultuloy ti panagimbestigar dagiti otoridad iti rason ti naso a panag-crash ti eroplano.
