LAOAG CITY – Inbatad ni Senate President Sherwin Gatchalian nga addandan ti consensus wenno katulagan dagiti senator-judges no maisubli iti aldaw ti iskedyul ti impeachment trial ni Vice President Sara Duterte tapno mapaalisto ti proseso ti pangdengngeg.
Segun kenkuana, manarimaan a tingtingitingenda ti panangisublida iti aldaw ti nasao a trial.
Maipalagip ti panangisingsing ni Senator-Judge Juan Miguel “Migz” Zubiri a maisubli iti aldaw ti trial no sadinno ket inrekomendarna ti pannakaiwayat ti legislative session iti bigat, ken ti impeachment trial met ket iti oras ti alas-3 ti aldaw agingga iti rabii.
Mainaig iti daytoy, kalikagum ti nasao a rekomendasion ti naan-anay nga oras ti prosekusion ken depensa nga iprisintar dagiti argumentoda.
Sakbay ti nasao a katulagan, ti trial ket maiwaywayat iti alas-10 ti bigat agingga iti oras ti alas-2 wenno alas-tres ti malem ngem nangitunda daytoy ti isyu kas iti panagkurang ti oras iti panangsaludsodda kadagiti testigo.
