LAOAG CITY – Nagpalagip ti Philippine National Police (PNP) kadagiti miembroda nga agbalin a responsable iti panangidulin dagiti paltogda aglalo no awanda iti duty.
Segun ken ni Philippine National Police chief Gen. Jiso Melencio Nartatez Jr., masapol a siguradoen a natalged ken saan a magaw-at dagiti ubbing dagiti paltogda.
Ti panangpallagip Ni Nartatez ket kalpasan ti dua a nagsina nga inidente ti pammaltog kadagiti pagadalan iti uneg laeng ti dua a bulan.
Idi Hunio, tallo nga estudiante ti natay iti maysa ngaschool shooting iti Taclobn City ken kadaytoy laeng a lawas, dua nga estudiante, pakairamanan ti maipagarup gunman ti natay iti insidente iti Ateneo de Zamboanga University.
Iti nasao a dua nga insidente, inaramat dagiti menor de edad ti service-issued firearms a kukua dagiti nagannak wenno kapamilyada.
Mainaig iti daytoy, binilin ti Philippie National Police dagiti police commander ti regular a panangpalagipda mainaig iti umno a panangidulin.
Kabayatanna, inbtad ti PNP chief ti panagsagsagana ti Pulisya para iti nationwide school safety drills ti Departent of Education a naikeddeng inton Agosto 25.
